வீடு

விளாச்சேரியில் மட்பாண்ட கைவினைஞர்கள் ஏராளமானோர் வசிக்கின்றனர். இவர்கள் தயாரிக்கும் பொம்மைகள் மற்றும் மட்பாண்டங்கள் வருடம் முழுவதும் விற்பனையாகின்றன. சுமார் 50-60 ஆண்டுகளுக்கு முன்பு, இப்பகுதியைச் சேர்ந்த மட்பாண்டக் கலைஞர்கள் பெரும்பாலும் பானைகள் மற்றும் வீட்டு உபயோகப் பொருட்களையே தயாரித்து வந்த நிலையில், அண்மை காலத்தில் இறை உருவ பொம்மைகளை தயாரிக்க ஆரம்பித்துள்ளனர்.

சமீப காலங்களில், நவராத்திரி பண்டிகையின் போது கொலு பொம்மைகள் வைத்து வீடுகளை அலங்கரிக்கும் பழக்கம் மக்களிடையே பிரபலமடைந்து வருவதால், இவர்கள் தயாரிக்கும் பொம்மைகளுக்கு மிகுந்த வரவேற்பு உள்ளது. இவர்கள் பெரும்பாலும் அச்சுகளைக் கொண்டு (mold) கொலு பொம்மைகளை தயாரிக்கின்றனர். சுமார் 50 குடும்பங்கள் இத்தொழிலில் ஈடுபட்டுள்ள நிலையில், அவர்களுள் சிலர் ஒரே மாதிரியான அச்சைக் கொண்டு பொம்மைகளை உருவாக்குகின்றனர். வேறு சிலர் தங்களுக்கென தனித்துவமான அச்சைக் கொண்டு பொம்மைகளை தயார் செய்து வருகின்றனர். மக்கள் வருடா வருடம் புது கொலு பொம்மைகளை வாங்கி சேர்ப்பதும், கொலு பொம்மை தொகுப்புகளாக வாங்கி வைக்கும் வழக்கமும் (கல்யாண செட், கிரிக்கெட் செட்) இவர்கள் தயாரிக்கும் பொம்மைகளுக்கான தேவையை அதிகரித்துள்ளது.

இவர்கள் விநாயகர் சதுர்த்தி, கிருஷ்ண ஜெயந்தி, கிறிஸ்மஸ் போன்ற பண்டிகை நாட்களை ஒட்டி விநாயகர் சிலைகள், கிருஷ்ணர் சிலைகள், இயேசு கிறிஸ்து சிலைகள் போன்ற சாமி சிலைகளை விற்கின்றனர். மேலும் கிராம கோயில்களில் கொண்டாடப்படும் கோயில் திருவிழாக்களுக்கு தேவையான அக்கினி சட்டி, நேர்த்திக்கடனாக செலுத்தப்படும் கால் சிற்பம், குழந்தை சிற்பம், புரவி சிற்பம் போன்ற சுடுமண் சிலைகளையும் இங்கு தயார் செய்கின்றனர்.

விளாச்சேரியில் தயார் செய்யப்படும் இயேசு கிறிஸ்து சிலைகள், மேரி மாதா சிலைகள், இயேசுவின் பிறப்பை காட்சிப்படுத்தும் குடில் தொகுப்பு சிலைகள், இயேசு சிலுவையில் அறையப்பட்ட காட்சி அமைப்பைக் கொண்ட சிலைகள், இயேசுவின் மரணத்தை காட்சிப்படுத்தும் சிலைகள் ஆகியவை கேரளா முழுவதும் விற்பனைக்கு அனுப்பப்படுகின்றன. கிறிஸ்துவ சிலைகள் பெரும்பாலும் ’பிளாஸ்டர் ஆஃப் பாரிஸ்’ என்ற பொருளை கொண்டே செய்யப்படுகின்றன. இவை பொதுவாக நாலு இன்ச் முதல் ஒரு அடி உயரம் வரை உள்ளன.

டிசம்பர் மாதத்தில் வரும் கிறிஸ்துமஸ் பண்டிகைக்கு தேவையான பொம்மைகளை இவர்கள் சுமார் இரண்டு மாதங்களுக்கு முன்பே தயார் செய்து வைத்து விடுகின்றனர். அண்மை காலங்களில் வட இந்திய வியாபாரிகள், இவர்களது அச்சை கொண்டு பொம்மைகள் செய்து குறைந்த விலைக்கு விற்பதால், இவர்களது வியாபாரம் அடிபட்டு போவதாக தெரிவிக்கின்றனர்.

குடிசைத் தொழில்

House

Many potters live in Vilachcheri. The dolls and pottery they make are sold throughout the year. Around 50 to 60 years ago, the potters of this area mainly produced pots and household items, but in recent times they have started making divine figure dolls. In recent years, the practice of decorating homes with Kolu dolls during the Navaratri festival has become popular among people, leading to a high demand for the dolls they make. Most of them make Kolu dolls using molds. About 50 families are engaged in this craft; some use similar molds to create dolls, while others design their own unique molds. The yearly practice of people buying new Kolu dolls and collecting themed sets (like wedding set, cricket set) has further increased the demand for their dolls. They also sell idols during festival seasons such as Vinayaka Chaturthi, Krishna Jayanthi, and Christmas, including statues of Ganesha, Krishna, and Jesus Christ. In addition, they make clay idols like fire pots, votive leg offerings, child figures, and horse figures required for village temple festivals. Jesus Christ statues, Mother Mary statues, crib sets depicting the birth of Jesus, crucifixion scenes, and depictions of Jesus’ death made in Vilachcheri are sent for sale throughout Kerala. Christian statues are mostly made using Plaster of Paris. These generally range in height from four inches to one foot. For the Christmas festival in December, they begin preparing the required dolls about two months in advance. In recent times, they have reported that North Indian traders have started producing dolls using their molds and selling them at lower prices, which has affected their business.

Cottage industry