பதிவிறக்கவும்
அமைவிடம்
சுந்தரராஜபுரம் கிராமத்திற்குக் கிழக்கே உள்ள சஞ்சீவி மலையில் கதிர்வேல் புடவு
அளவு
2.5 அடி உயரம், 3.5 அடி அகலம்
வழிபாடு
இல்லை
ஊர்
ப.சுந்தரராஜபுரம்
மாவட்டம்
தேனி
தீர்த்தங்கரர் சிற்பம்
Tirthankara Sculpture
கல்வெட்டுகள்
இல்லை
காலம் / அரசன்
சிற்ப அமைதிப்படி பொது ஆண்டு 9-10ஆம் நூற்றாண்டு
கூடுதல் விவரங்கள்
இந்தச் சமணத் தீர்த்தங்கரரின் சிற்பம், இயற்கையாக அமைந்த ஒரு குகையில் இடம்பெற்றுள்ளது. இச்சமணத் தீர்த்தங்கரர், சிம்மாசனத்தின் மேல், தன் ஒரு காலை முழங்கால் வரை மடித்து, மற்றொரு காலைத் தொடையில் வைத்து அமர்ந்த நிலையில் (அர்த்த பத்மாசனம்) புடைப்புச் சிற்பமாகக் காட்சிப்படுத்தப்பட்டுள்ளார். இத்தீர்த்தங்கரர் ஆடை ஏதும் அணியவில்லை. தீர்த்தங்கரரின் கைகள் தியான முத்திரையில் உள்ளன. மேலும், தீர்த்தங்கரரின் தலையைச் சுற்றி அரை வட்ட வடிவில் ஒளிவட்டம் காட்டப்பட்டுள்ளது. எனவே இவர் கண்களை மூடித் தியானத்தில் உள்ளார் எனலாம். சிற்பத்தின் இருபுறமும் சிங்கங்கள் தங்கள் பின்னங்கால்களை ஊன்றி நிற்கின்றன. சிற்பத்தின் மேல் பகுதியில் இரு உதவியாளர்களும் சாமரம் வீசிக்கொண்டு நின்றபடியுள்ளனர். சிற்பத்தில் முக்குடையும், மரக் கிளைகளும் உள்ள மேல் பகுதி உடைந்து காணப்படுகிறது. சிற்ப அமைப்பின்படி இது சமண மதத்தின் திகம்பரப் பிரிவைச் சேர்ந்த தீர்த்தங்கரர் சிற்பம் என்பது தெளிவாகிறது. சிற்பத்தின் இடப்பக்கக் கீழ்ப் பகுதியில் தலையில் சக்கரத்துடன் அமர்ந்த நிலையில் காணப்படும் உருவம் சிதைந்துள்ளது.
தகவல்
முனைவர் மாணிக்கராஜ்
புகைப்படங்கள்
சி.மாணிக்கராஜ், ப.பிரதீப்
சி.மாணிக்கராஜ், ப.பிரதீப்
சி.மாணிக்கராஜ், ப.பிரதீப்
சி.மாணிக்கராஜ், ப.பிரதீப்
காணொலி
சி.மாணிக்கராஜ், ப.பிரதீப்