பதிவிறக்கவும்
அமைவிடம்
தங்கம்மாள்புரத்தில் இருந்து வருசநாட்டுக்குச் செல்லும் சாலையில் உள்ள தென்னந்தோப்பு ஒன்றில்
அளவு
3.5 அடி உயரம், 2.5 அடி அகலம்
வழிபாடு
இல்லை
ஊர்
தங்கம்மாள்புரம்
மாவட்டம்
தேனி
நடுகல்
Memorial Stone
கல்வெட்டுகள்
இல்லை
காலம் / அரசன்
பொது ஆண்டு 16-17ஆம் நூற்றாண்டு
கூடுதல் விவரங்கள்
இந்தச் சிற்பத்தில் ஓர் ஆண் தனது இரு மனைவியருடனும் ஒரு பீடத்தின் மேல், ஒரு காலை மடக்கியும் மறு காலை கீழே தொங்கவிட்டபடியும் அமர்ந்த நிலையில் (சுகாசன அமர்வு) புடைப்புச் சிற்பமாகக் காட்சிப் படுத்தப்பட்டுள்ளான். எனவே இது ஒரு சதிக்கல்லாக இருக்கலாம். ஆண் தன் வலக்கையில் நீளமான ஆயுதம் ஏந்தியுள்ளான். அவனது இருபுறமும் உள்ள மனைவியரும் தங்கள் கைகளில் வட்ட வடிவப் பொருளைப் பிடித்துள்ளனர். ஆணும் அவனது மனைவியரும் காதணி. மாலைகள், கடகவளை ஆகிய அணிகலன்கள் அணிந்துள்ளனர். இவர்களுக்கு நீள்காதுகளும் தலையில் கொண்டையும் உள்ளன. நடுகல்லின் மேல்பகுதி, கூடாரம் போன்ற அமைப்பைக் கொண்டுள்ளது. இவ்வமைப்பின் நடுவில் காணப்படும் அலங்காரம் தேய்ந்துள்ளது. இச்சிற்பத்தில் காணப்படும் ஆண் ஏதேனும் வீரச்செயல் புரிந்து இறந்திருக்க வேண்டும். அதன் காரணமாக அவனது இரு மனைவியரும் சதி என்னும் உடன்கட்டை ஏறித் தங்கள் உயிரை மாய்த்திருக்கலாம். இம்மூவரின் நினைவாக இந்தச் சதிக்கல் எடுக்கப்பட்டுள்ளது.
தகவல்
முனைவர் மாணிக்கராஜ்
புகைப்படங்கள்
முனைவர் சி.மாணிக்கராஜ், ப.பிரதீப்
முனைவர் சி.மாணிக்கராஜ், ப.பிரதீப்
முனைவர் சி.மாணிக்கராஜ், ப.பிரதீப்
முனைவர் சி.மாணிக்கராஜ், ப.பிரதீப்
முனைவர் சி.மாணிக்கராஜ், ப.பிரதீப்