பதிவிறக்கவும்
அமைவிடம்
இருக்கன்குடி மாரியம்மன் கோயில் அருகே அமைந்துள்ளது.
மூலவர் பெயர்
கைலாசநாதர்
கோயில் குளம்/ஆறு
வைப்பாறு
ஊர்
இருக்கன்குடி
மாவட்டம்
விருதுநகர்
கைலாசநாதர் கோயில்
Kailasanathar Temple
ஆகமம்
சிவாகமம்
பூசைக்காலம்
நாள்தோறும் முற்பகல் 10 மணி முதல் நண்பகல் 12 மணி வரை வழிபாடு நடைபெறும்.
திருவிழாக்கள் விவரங்கள்
பிரதோசம், அமாவாசை, பௌர்ணமி, சிவராத்திரி ஆகிய நாட்களில் சிறப்பு வழிபாடுகள் நடத்தப்படுகின்றன.
வழிபாட்டுச் சடங்குகள் / முறைகள்
வழிபாட்டுச் சடங்குகளில் நைவேத்தியம், வாசனைத் திரவியங்கள், பூ, பழம், தேங்காய் ஆகியன இடம்பெறுகின்றன.
காலம்/ ஆட்சியர்
பொது ஆண்டு 8 ஆம் நூற்றாண்டு, முற்காலப் பாண்டியர் காலம்.
கல்வெட்டு / செப்பேடு
இந்தச் சிவன் கோயில் முற்காலப் பாண்டிய மன்னர்களின் காலத்தில் கட்டப்பட்டதாகக் கல்வெட்டுச் சான்றுகள் தெரிவிக்கின்றன. ஆனால் கோயில் சுவர்களில் காணப்பட்ட கல்வெட்டுகள் அனைத்தும் இப்போது சுண்ணாம்பு பூசப்பட்டதால் படிக்க இயலவில்லை.
சிற்பங்கள்
விநாயகர், முருகன், நவக்கிரகங்கள் ஆகிய சிற்பங்கள் காணப்படுகின்றன.
கோயில் அமைப்பு
கருவறை, அர்த்தமண்டபம், மற்றும் முன்மண்டபம் கொண்ட மூலவர் சந்நிதி, காசிவிஸ்வநாதர் சந்நிதி, சுப்பிரமணியர் சந்நிதி ஆகியவை காணப்படுகின்றன.
சுருக்கம்
முதன்முதலில் முற்காலப் பாண்டியர் காலத்தில் எழுப்பப்பட்ட இந்தச் சிவன் கோயில், இப்போது பிற்காலக் கட்டடக்கலை அமைப்புகளுடன் காணப்படுகிறது. இக்கோயில் கருவறையின்மேல் மிகச்சிறிய சிகரம் அமைக்கப்பட்டுள்ளது. பொதுவாகக் கருவறையின் வெளிப்புறச் சுவர்களில் காணப்படும் தேவகோஷ்டச் சிற்பங்களான துர்க்கை மற்றும் தட்சிணாமூர்த்தி, இக்கோயிலில் சுவரை ஒட்டிய சிறிய தனிச்சந்நிதிகளில் காணப்படுகின்றனர். மேலும் கோயிலின் உட்புறத்தில் முற்கால மற்றும் பிற்காலப் பாண்டியர் காலத்தைச் சேர்ந்த செப்புத் திருமேனிகள் காணப்படுவதைக் கொண்டு இக்கோயிலின் பழைமையை அறியலாம்.
கூடுதல் விவரங்கள்
நென்மேனிக் கல்வெட்டொன்று இக்கைலாசநாதர் கோயிலை ’நக்கன் கோயில்' என்று குறிப்பிடுகின்றது. கைலாசநாதர் கோயில் அருகிலுள்ள சிறிய குன்றுப் பகுதியில் சங்கக்காலத்துக் கல்மணிகள் சேகரிக்கப்பட்டுள்ளன என்பது குறிப்பிடத்தக்கது.
தகவல்
முனைவர் செல்லப்பாண்டியன்
குறிப்புகள்
விருதுநகர் மாவட்ட வரலாறு, பக்கம் 11-13
அருகிலுள்ள வரலாற்றுச் சின்னங்கள்
இருக்கன்குடி மாரியம்மன் கோயில்
செல்லும் வழி
பாலவநத்தத்திலிருந்து கோட்டூர் செல்லும் சாலையில் கோட்டூரை அடுத்து இருக்கன்குடி மாரியம்மன் கோயில் அருகே அமைந்துள்ளது.
அருகிலுள்ள பேருந்து நிலையம்
இருக்கன்குடி
அருகிலுள்ள தொடர்வண்டி நிலையம்
விருதுநகர்
அருகிலுள்ள விமான நிலையம்
மதுரை
தங்கும் வசதி
இருக்கன்குடி, பாலவநத்தம்
புகைப்படங்கள்
முனைவர் ரா.தாமரைக்கண்ணன்.
முனைவர் ரா.தாமரைக்கண்ணன்.
முனைவர் ரா.தாமரைக்கண்ணன்.
முனைவர் ரா.தாமரைக்கண்ணன்.
முனைவர் ரா.தாமரைக்கண்ணன்.
காணொலி
முனைவர் ரா.தாமரைக்கண்ணன்.