பதிவிறக்கவும்
தலத்தின் சிறப்பு
சுயம்புவாகத் தோன்றிய தெய்வம் ராமராக வழிபடப்பட்டு வருகிறது.
மூலவர் பெயர்
அழகர்
பூசைக்காலம்
தினமும் காலை மற்றும் மாலை வழிபாடுகள் நடைபெறும்.
ஊர்
காவலப்பட்டி
மாவட்டம்
திண்டுக்கல்
அழகர் கோயில்
Azhagar Temple
திருவிழாக்கள் விவரங்கள்
புரட்டாசி மாதம் முழுவதும் வழிபாடுகள் நடைபெறும். குறிப்பாக, புரட்டாசி சனிக்கிழமையிலும் மார்கழிப் பொங்கல் அன்றும் சிறப்பு வழிபாடு நடைபெறும்.
வழிபாட்டுச் சடங்குகள் / முறைகள்
சலகெருது’ (சலுகை எருது) எனப்படும் கோயில்காளைக்கு, வழிபாட்டின்போது வீடுதோறும் உணவளித்தல், முளைப்பாரி எடுத்தல், மாவிளக்கு எடுத்தல், பொங்கல் வைத்தல் ஆகியவை நடைபெறும். கோயிலுக்குறிய சலுகை எருது இறந்துவிட்டால் அதற்குறிய சடங்குகள் செய்யப்பட்டு கோயிலுகுறிய இடத்தில் புதைக்கப்படுகிறது. சலுகை எருதின் புதைவிடமும் பக்தர்களால் வழிபடப்படுகிறது.
தல வரலாறு / கதைகள்
சில காலம் முன்பு, ஒரு பெண்ணின் வீட்டில் புற்று ஒன்று தினமும் வளர்ந்து வந்ததாகவும் அதனை அப்பெண் தினமும் சுத்தம் செய்து அகற்றி வந்ததாகவும் கூறப்படுகிறது. பின்பு புரட்டாசி மாதத்தில் ஒரு நாள், அந்தப் புற்றைச் சுத்தம் செய்து அகற்றும்போது அவ்விடத்தில் இரத்தம் வந்ததைப் பார்த்த அப்பெண் அந்த இடத்தை ஒரு கோயிலாகப் போற்றி வழிபாடு செய்து வந்தார். புற்றும் குறிப்பிட்ட உயரத்தை அடைந்தவுடன் வளர்வது நின்று விட்டது. அப்பெண் தனக்குப்பின் அந்தக் கோயிலையும் இடத்தையும் ஊர்ப் பொதுவிற்குக் கொடுத்து விட்டார் என்ற செவிவழி செய்தி இப்பகுதி மக்களால் சொல்லப்படுகிறது.
கோயில் அமைப்பு
இச்சிறு கோயிலில் நுழைவாயிலில் முகப்பு வளைவும், நீளமான வெளி மண்டபமும், முன்மண்டபமும், கருவறை அமைப்பும் காணப்படுகிறது. கருவறையைச் சுற்றி திருச்சுற்று அமைந்துள்ளது.
கூடுதல் விவரங்கள்
புரட்டாசி 1ஆம் தேதியிலிருந்து ஐப்பசி 1ஆம் தேதி வரை இக்கோயிலுக்குரிய குடும்பத்தினர் அசைவ உணவு உண்ணாமல் விரதம் மேற்கொள்கின்றனர். புரட்டாசி மாதத்தில் வரும் எல்லா சனிக்கிழமைகளிலும் சிறப்பு வழிபாடுகள் நடைபெறுகின்றன. மேலும், அம்மாதத்தின் கடைசி சனிக்கிழமை அன்று சாமி ஊர்வலமும் நடைபெறுகிறது. இவ்வூர்வலத்தில் ஊர் மக்கள் அனைவரும் பங்கேற்கின்றனர். இக்கோயிலில் மாவிளக்கு போட்டு வழிபடும் பழக்கமும் உள்ளது.
தகவல்
முனைவர் முத்தையா
அருகிலுள்ள வரலாற்றுச் சின்னங்கள்
காளியம்மன் கோயில்
அருகிலுள்ள பேருந்து நிலையம்
பழனி
அருகிலுள்ள தொடர்வண்டி நிலையம்
பழனி
அருகிலுள்ள விமான நிலையம்
திருச்சி, மதுரை
தங்கும் வசதி
பழனியில் தங்கும் வசதி உண்டு.
புகைப்படங்கள்
முருகேசுவரி. க
முருகேசுவரி. க
முருகேசுவரி. க
காணொலி
முருகேசுவரி. க
முருகேசுவரி. க
முருகேசுவரி. க
கேட்பொலி
முருகேசுவரி. க